ललितपुर ३ मा भुसाल विजयी

ललितपुर । प्रतिनिधिसभा–३ मा नेकपा माओवादी केन्द्रका प्रवक्ता पम्फा भुसाल विजयी भएकी छन् ।

भुसाल २४ हजार ३६ मत ल्याएर विजयी भएकी हुन । उनका निकटतम प्रतिद्धन्दी नेपाली काँग्रेसका मदनबहादुर अमात्यले २२ हजार ३२९ मत पाएका थिए ।

भुसाल यस क्षेत्रबाट दोस्र्रो पटक विजयी भएकी हुन । उनी यसअघि विसं २०६४ मा भएको संविधानसभा निर्वाचनमा पनि यही क्षेत्रबाट विजयी भएकी थिइन् । सुश्री भुसाल प्रतिनिधिसभामा काठमाडौँ उपत्यकाबाट विजयी घोषणा भएको पहिलो महिला उम्मेदवार रहेकी छन् ।

भुसाल लामो समयदेखि ललितपुर क्षेत्रमा बसोबास गर्दै आएकी हुन । तत्कालीन नेकपा माओवादी सरकारमा हुँदा उनी ३ पटक मन्त्री भइसकेकी छन् ।