लुकेर गुलेली हानेर बुथ कब्जा गर्न खोज्दा जामुनेमा तनाब

दोलखा । तामाकोशी गाउँपालिकाको जफेमा रहेको जामुने मतदान केन्द्र तनावग्रस्त बनेको छ ।

अज्ञात समुहले मतदान केन्द्र कब्जा गर्ने प्रयास गरेर लुकेर ढुंगामुडा हान्न थालेपछि जफेस्थित जामुने मतदान केन्द्रमा तनाव उत्पन्न भएको छ । बुथको सुरक्षा लागि अहिले थप सुरक्षा फोर्स माग गरिएको प्रहरीले जनाएको छ ।

गत स्थानीय तहको चुनावमा पनि जामुनेमा बुथ कब्जा गर्न खोज्दा तनाव भएको थियो । स्थानीय निकायको जस्तै प्रतिनिधि सभा र प्रदेश सभाको निर्वाचनमा पनि बुथ कब्जा गर्न खोजिएको छ ।

बुथ कब्जा गर्न आएको समूहले अहिले मतदान केन्द्रभन्दा टाढाबाट गुलेलीले ढुङगा प्रहार गरिरहेकोले थप सुरक्षा माग गरिएको जनाइएको छ । अहिले त्यहाँ अवस्था तनावपस्र्ण छ ।