चुनावको मुखैमा प्रचण्डलाई बज्रपात

काठमाडौं । प्रतिनिधि सभा र प्रदेश सभाको निर्वाचन नजिकिँदै गर्दा एकीकृत माओवादी केन्द्रका अध्यक्ष पुष्पकमल दाहाल प्रचण्डलाई ठूलो वज्रपात परेको छ ।

प्रचण्डका एक मात्र छोरा प्रकाश दाहालको आइतवार विहान ५.३८ मा असामयीक निधन भएपछि प्रचण्डलाई बज्रपात परेको छ । प्रचण्ड निवास लाजिम्पाटमा ह्रृदयघातका कारण मृत्यु भएको थियो । उनलाई तत्काल नर्भिक अस्पतालमा लगिएको भए पनि अस्पताल पुग्दा उनको मृत्यु भइसकेको थियो ।

झापामा रहेका प्रचण्ड विक्षिप्त अवस्थामै केहीबेर अघि मात्र काठमाडौं आएका छन् । प्रकाशकी श्रीमति विना मगर पनि केही बेरपछि काठमाडौं आउँदैछिन् । दिदी रेणु दाहालसहितका परिवार पनि केही बेरमा काठमाडौं आई पुग्दै छन् ।

यतिवेला शुभचिन्तकहरुले नर्भिक अस्पताल भरिभराउँ छ । नर्भिक पुग्नेहरुका आँखामा आसु बर्सिएका छन् । भीडभाड बढेको छ भने सुरक्षा व्यवस्था पनि कडा बनाइएको छ । काठमाडौंमा रहेका वाम गठबन्धनका उम्मेदवाहरु, विभिन्न राजनीतिक दलका नेताहरु र शुभचिन्तकहरु नर्भिक अस्पतालमा पुगेका छन् ।