हर्न बजाएको निहुँमा मकवानपुरमा ७ राउण्ड हवाई फायर

काठमाडौँ । वनभोज खाएर फर्कने क्रममा हेटौंडा महानगरपालिका–३ को राई टोलमा हर्न बजाएको निहुँमा प्रहरीले ७ राउण्ड हवाई फायर गरेको छ ।

शनिबार राती नेवारपानीका स्थानीयवासी हाँडीखोलमा वनभोज खाएर फर्कने क्रममा हेटौंडा महानगरपालिका–३ को राई टोलमा हर्न बजाएको भन्दै विवाद भएको थियो ।

विवाद बढ्दै गएपछी गाडी चालकलाई हातपात गरेपछि स्थिति नियन्त्रणमा लिन ७ राउण्ड हवाई फायर गरिएको जिल्ला प्रहरी कार्यालय मकवानपुरले जनाएको छ । प्रहरीले नेवारपानीका स्थानीययलाई साथ दिएको भन्दै राईटोल बासी प्रहरीसँग आक्रोशित भएका थिए ।