विस्फोटक पदार्थसहित एक व्यक्ति पक्राउ

सल्यान । सल्लीबजार जाजरकोट सडकखण्डमा जाँचका क्रममा वनगाड कुपिण्डे नगरपालिका १ देवस्थलका २४ वर्षीय राजु भण्डारी पक्राउ परेका छन् ।

मोटरसाइकलको कागजात जाँच गर्ने क्रममा ७ सय ग्राम जिलेटिन भण्डारीको साथबाट फेला परेको इलाका प्रहरी कार्यालयले जनाएको छ ।

पक्राउ परेका भण्डारीलाई जिल्ला प्रहरी कार्यालयमा ल्याइएको र थप अनुसन्धानपछि मुद्दा दायर गरिने प्रहरीले जनाएको छ । भेरीनदीमा माछा मार्नका लागि जिलेटिन ल्याइएको हुनसक्ने प्रहरीको अनुमान छ ।