कमलादीमा गोली चल्यो, २ पक्राउ

काठमाडौं । काठमाडौंको कमलादीस्थित हेरिटेज प्लाजामा बुधबार साँझ गोली चलेको छ । सो घटनामा संलग्ग्न २ जना भारतीयलाई प्रहरीले पक्राउसमेत गरेको छ ।

प्रहरीले ५१ राउण्ड गोलीसहित भारत पञ्जावका जसवित सिँह र हर देवेन्द्र सिँहलाई पक्राउ गरेको छ । प्रहरीले उनीहरुलाई गोली हानेर भाग्दै गर्दा पक्राउ गरेको जनाएको छ । उनीहरुको साथबाट अटोमेटिक पेस्तोलसमेत बरामद गरेको छ ।

घटनाको विषयमा थप अनुसन्धान भइरहेको काठमाडौं प्रहरी प्रमुख एसएसपी रवीन्द्र धानुकले बताए । पक्राउ गर्न पुगेका प्रहरीलाई लक्षित गरी उनीहरुले एक राउण्ड गोलीसमेत चलाएको प्रहरीले जनाएको छ । उनीहरु भारतीय सुटर रहेको आशंका नेपाल प्रहरीले गरेको छ ।