उदयपुरमा भएको जीप दुर्घटनामा मृत्यु हुनेको संख्या ८ पुग्यो

उदयपुर । उदयपुरको कटारीमा भएको जीप दुर्घटनामा मृत्यु हुनेको संख्या ८ पुगेको छ ।

उदयपुरको कटारीबाट ओखलढुंगा जाँदै गरेको ना१ज ३४०४ नम्बरको सुमो जीप दुर्घटना हुँदा ८ जनाको घटनास्थलमै मृत्यु भएको छ ।

जिप सोमबार दिउँसो २ बजे कटारी नगरपालिका ११ मा दुर्घटना भएको जिल्ला प्रहरी कार्यालय उदयपुरले जनाएको छ । मृतक मध्ये ७ पुरुष र १ महिला रहेका छन् । उनीहरुको सनाखत हुन बाँकी रहेको छ ।

जिप कटारी ११को खाँडी भन्ने ठाउँमा सडकबाट ५ सय मिटर तल खसेर थियो ।दुर्घटनामा चालक र एक महिला तथा एक बालक घाइते भएका छन् । घाइतेको कटारी अस्पतालमा उपचार भइरहेको छ ।