गुल्मीमा माइक्रो बस दुर्घटना हुँदा ७ मृत्यु, ६ घाइते

गुल्मी । बुटवलबाट गुल्मीको सदरमुकाम तम्घास आउँदै गरेको माइक्रो बस गुल्मीको वीरवासमा दुर्घटना हुँदा ७ जनाको मृत्यु भएको छ भने ६ जना घाइते भएको प्रमुख जिल्ला अधिकारी गोपाल आर्यालले जानकारी दिए ।

सोमबार बिहान तम्घासका लागि छुटेको बा४ख ५५०१ नंको माइक्रो गुल्मी दरबार गाउँपालिका वडा नं ४ मा दुर्घटना भएको हो ।

दुर्घटनमा मृत्यु हुनेहको सनाखत हुन नसकेको छैन् । घाइतेको अवस्था हेरेर प्रहरीलाई पाल्पा पठाउन भनिएको प्रमुख जिल्ला अधिकारी बताए ।

दुर्घटनाको कारण खुल्न सकेको छैन । गाडीमा चालकसहित १५ जना रहेकोमा अन्य दुईजनाको खोजी भइरहेको प्रहरीले जनाएको छ ।