ट्रिपरले बसलाई ठक्कर दिँदा २४ यात्रु घाईते २ अवस्था गम्भिर

काठमाडौँ । चितवनको भरतपुर महानगरपालिकामा ट्रिपरले यात्रुबाहक बसलाई ठक्कर दिँदा २४ यात्रु घाईते भएका छन भने २ जनाको अवस्था गम्भिर रहेको जिल्ला ट्राफिक प्रहरी कार्यालयले जनाएको छ ।

आँपटारी जंगल नजिक नारायणगढबाट गोरखातर्फ जाँदै गरेको ना ५ ख ८६९४ नम्वरको बसलाई विपरित दिशाबाट आउँदै गरेको बा ३ ख ९०१२ नम्वरको ट्रिपरले पानी ट्याङकी आरालोनजिक ठक्कर दिएको थियो ।घाईते मध्ये २ जना गम्भिर रहेको जिल्ला ट्राफिक प्रहरी कार्यालयले जनाएको छ ।

ट्रिपरले ठक्कर दिएको बस तल झाडीमा खसेको छ । घाइतेहरुको भरतपुर अस्पताल, चितवन मेडिकल कलेज र भरतपुर मेडिकल कलेजमा उपचार भैरहेको छ । गम्भिर घाइते २ जनाको पूरानो मेडिकल कलेजमा उपचार भैरहेको प्रहरीले जनाएको छ । बसका चालक घाइते भएका छन ।