त्रिशुली दुर्घटनामा मृत्यु हुने १९ मध्ये ९ सनाखत उद्धार कार्य जारी

काठमाडौँ । शनिबार बिहान त्रिशुली नदीमा बस खसेर भएको दुर्घटनामा मृत्यु भएका १९ जनामध्ये ९ जनाको सनाखत भएको भने उद्धार कार्य जारी रहेको छ ।

मृतक एक जना भारत विहारका रहेका र बाँकी ८ जना सप्तरीवासी रहेका जिल्ला प्रहरी कार्यालय धादिङले जनाएको छ ।

सप्तरीबाट काठमाडौँ आउँदै गरेको बस बिहान ६ बजे धादिङको गजुरी गाउँपालिका ५ बांगेमोडबाट त्रिशुली नदीमा खसेको थियो ।

मृतकहरुमा सप्तरीका नरेश मुखिया, शुसान चौधरी, रमानन्द यादव, संजित कुमार झा, सिम्मी कुमारी झा, आदित्य यादव, राज कपुर यादब र पार्वती चौधारी तथा भारत मधुवन बिहारकी ममता देवी ठाकुर रहेका छन् ।

घाइतेहरुमा सप्तरीको राजविराज नगरपालिका २ का ठाकुर अमन ठाकुर , श्रवण कुमार ठाकुर , उद्धब ठाकुर , सिरहा भगवानपुर १ का दिवस कान्त पन्डित राजविराज ९ का दुर्गा नन्द चौधरी , दुर्गा नन्द यादब , नितिदिता चौधरी , सुगम चौधरी, सन्तोश सरदार , बिहार मधुवनका मनोज ठाकुर , गणेश ठाकुर, गौरी शंकर ठाकुर , अभिषेक चौधरी तथा सप्तरीकै सुशिल यादब र सुरेन्द्र कुमार यादब रहेका छन् ।

त्रिशुलीमा हराइरहेका यात्रुहरुको खोजी कार्य जारी रहेको र नदीमा डुबेको बसलाई क्रेनको सहायताले बाहिर निकाल्ने प्रयास भईरहेको प्रहरीले जनाएको छ ।