निर्माण व्यवसायी महासंघका अध्यक्षको गौचनको गोली हानी हत्या

काठमाडौँ । गोली लागि घाइते भएका निर्माण व्यवसायी संघका अध्यक्ष शरदकुमार गौचनको मृत्यु भएको छ ।

काठमाडौं सिभिल अस्पतालमा उपचारको क्रममा उनको मृत्यु भएको अस्पताल स्रोतले जनाएको छ। सोमबार दिउँसो काठमाडौंको शान्तिनगर खरिबोटमा गाडी भित्रै बसेका बेला मोटरसाइकलमा आएका २ जनाले गौचनलाई गोली हानेका थिए।

उनको पेटमा २ गोली लागेको छ। प्रहरीले घटनाबारे थप अनुसन्धान अघि बढाएको छ। प्रहरीले काठमाडौंको उपत्यकाको चेकजाँचमा समेत कडाइ गरेको छ।