इन्जिनियरिङ कलेजका कार्यकारी अध्यक्ष न्यौपानेको खेल असफल

काठमाडौं । एकसाता अघि नेपाल इन्जिनियरिङ कलेज चाँंगुनारायणका कार्यकारी अध्यक्ष लम्बोदर न्यौपानेले गैरकानुनी रुपमा निजीकरण गरेपछि कलेज विवादमा तानिन थालेको थियो । अझैं त्यो विवाद कायमै छ ।

मध्यपश्चिमाञ्चल विश्वविद्यालयबाट सम्बन्धन खारेज गर्न कार्यकारी अध्यक्ष लम्बोदरले गत विहीबार मध्यमाञ्चल विश्वविद्यालयलाई पत्राचार गरेका थिए । तर, न्यौपानेले पुनः कार्यकारी अध्यक्षकै हैसियतमा खारेजी नगर्न आग्रह गर्दै पत्रचार गरेका थिए ।

तर, अहिले त्तकालका लागि विद्यार्थी संगठनहरु, स्थानीय र सचेत नागरिकको आन्दोलनका कारण न्यौपानेको खेल असफल भएको छ । सोमबार बसेको सञ्चालक समितिको बैठकले मध्यपश्चिमाञ्चल विश्वविद्यालयसँग सम्बन्धन नलिने, नीजिकरण नगर्ने र सार्वजनिक संस्थाकै रुपमा सञ्चालन गर्ने निर्णय गरेको थियो ।

सामाजिक संस्थाका रुपमा दर्ता भएको नेपाल इञ्जिनियरिङ कलेजलाई रातारात प्राइभेट कम्पनीमा दर्ता गरिएको भन्दै अख्तियार दुरुपयोग अनुसन्धान आयोगले सबै कागजात जफत गरेको थियो । न्यौपानेले गत वैशाख २५ मा कलेजलाई प्राइभेट लिमिटेड बनाएर कम्पनी रजिष्टारमा दर्ता गराएको आरोप लाग्दै आएको थियो ।

अध्यक्ष लम्बोदर न्यौपानेले रातारात कम्पनी रजिष्टारको कार्यालयमा निजी कम्पनीका रुपमा दर्ता गराएको भन्दै अरु सञ्चालकले उजुरी दिएपछि अख्तियारले छानविन थालेको थियो । अख्तियारले कलेज दर्ता लगायतका सबै कागजपत्र नियन्त्रणमा लिएको थियो ।

त्यसबेला कलेजका अध्यक्ष लम्बोदर न्यौपाने विरुद्ध सञ्चालक सदस्य हरिप्रसाद पाण्डे, दिपकप्रसाद पाण्डे र सलिल भट्टराईले अख्तियार र जिल्ला प्रशासन कार्यालयमा उजुरी दिएका थिए । तर, मंगलबार बसेको सञ्चालक समितिको बैठकले अख्तियार र अन्य निकायमा दिएको निवेदन फिर्ता गर्ने निर्णय गरेको छ ।

राजीनामा अस्वीकृत
लम्बोदर न्यौपानेले भदौं १५ मै राजीनामा दिइसकेका थिए । तर, उनीसहित १० जना सञ्चालक रहेको समितिले उनको राजीनामा अस्वीकृत गर्ने निर्णय गरेको छ ।

लम्वोदरले आफुले अगाडि गरेको राजीनामा, सम्बन्धन खारेज लगायतको पत्र दवावमा परेर गरेको भन्दै उनले सम्वन्धन खारेज नगरिदिन भदौ २१ गते बुधबार अनुरोध गरी मध्यपश्चिमाचल विश्वविद्यालयमा पत्र पठाएका थिए । त्यसको चौतर्फी विरोध भएको थियो ।

यस्तो छ सञ्चालक समितिको निर्णय

अझैं खुलेन ताला
नेपाल इन्जिनियरिङ कलेज चाँंगुनारायणका कार्यकारी अध्यक्ष लम्बोदर न्यौपानेको एकाधिकार र मनोमानीले गर्दा एकसातादेखि लागेको ताला अझैं खुल्न सकेको छैन ।

सामाजिक संस्था ऐन अनुसार गैर नाफामुलक रुपमा सञ्चालनमा आएको कलेजलाई पछिल्लो समय कार्यकारी अध्यक्ष लम्वोदर न्यौपानले प्राइभेट लिमिटेड बनाएर सधैं चलखेल गर्न पाइने र करोडौ रुपैया झ्वाम पार्न सकिने बनाउन कदम चालेका थिए ।

तर, विद्यार्थी संगठनले त्यसको विरोधमा तालावन्दी गरेको थियो । विद्यार्थीले तालाबन्दी गरेपछि कार्यकारी अध्यक्ष न्यौपानेले गैरकानुनी रुपमा निजीकरण गरेपछि कलेज विवादमा तानिन थालेको थियो ।

लम्बोदरले गरेको गैर कामको विरोधमा विद्यार्थीले ताला लगाएपछि सबै पठनपाठन ठप्प भएको छ । प्रिन्सिपल शोमाकान्त देवले ताला खुलाउने प्रयास भइरहेको बताए । उनले भने, ‘उनीहरुले उठाएका सबै माग पूरा भइसकेको छ, अब उहाँहरुले ताला खोल्नुपर्छ ।’