गोर्खाली’ भन्दा गौरब, ‘नेपाली’ भन्दा अपमान

काठमाडौं । भारतको ‘गोर्खाल्याण्ड’ आन्दोलनलाई नेपालीहरुले समर्थन गरेकोमा आपत्ति जनाउँदै ‘असमेली गोर्खा’ नामक फेसबुक पेजमा प्रश्न गरिएको छ ‘किन नेपालीहरु यतिसाह्रो मूर्ख भएका तिनीहरु के गर्न चाहन्छन् ।

गोर्खाल्याण्डलाई नेपालीहरुले समर्थन जनाएकोमा दुःखमान्दै भनिएको छ । ‘यदि गोर्खाल्याण्ड आन्दोलनलाई नेपाल र नेपालीहरुले समर्थन गर्ने हो भने यो कहिल्यै पनि सफल हुँदैन, भारत सरकारले कहिल्यै गोर्खाल्याण्ड दिँदैन ।’

असमका भारतीयले चलाएको सो फेसबुक पेजमा थप भनिएको छ ‘हामी एउटै भाषा बोल्छौं तर यसको अर्थ यो होइन कि हामीले जय हिन्दको सट्टा जयनेपाल भन्नुपर्छ ।’

नेपाल र नेपालीहरुले अपरिपक्व राजनीति गरिरहेको भन्दै भारतीय गोर्खालीको थप गुनासो छ, तिनीहरु नेपालीहरु आफूले सबथोक जानेको ठान्छन् र गोर्खाल्याण्ड आन्दोलनलाई अवरुद्ध पार्ने अवसर कहिल्यै छाड्दैनन् ।

पेजमा अगाडि भनिएको छ, ‘हामीले सोचेका थियौं कि हामी राज्य र केन्द्रीय सरकारविरुद्ध लडिरहेका छौं । अब यस्तो लाग्छ, हामीले यो धारणाले लड्नुपर्छ कि, नेपालीहरु यो प्रयास गरिरहेका छन्, यो आन्दोलन नेपालले गरेको हो ।

काठमाडौंको प्रश्नः गोर्खाली किन भन्ने

भारतीय गोर्खाहरुले आफ्नो आन्दोेलनलाई नेपाल र नेपालीहरुबाट समर्थन नजनाइयोस् भनिरहेका बेला यता नेपालमा चाहिँ भारतीयहरुले आफूलाई गोर्खाली भन्न नमिल्ने जस्ता तर्क सुरु भएका छन् ।

दुबैतर्फको यस्तो भनाभनले दार्जीलिङ र काठमाडौंवीच दूरी बढ्न थालेको देखाएको छ ।

‘असमेली गोर्खा’ को सोही पेजमा एक ‘नेपाली साथी’ ले यस्तो कमेन्ट गरेको उल्लेख छ ।

‘सबै दार्जीलिङबासी भारतीयहरु समक्ष नेपालबाट विनम्र निवेदन । गोर्खाली नेपालको पहिचान हो । तिमीले लगाउने टोपी र चलाउने खुकुरी सबै हामी नेपालीको पहिचान र स्वाभिमान हो ।जब गोर्खाल्यान्ड विषयमा तपाईंको समर्थनमा नेपालमा आवाज उठ्छ, ।

तिमीहरु ‘ब्याक अफ नेपाल’ भन्दै बिरोध गर्नु गदै छौँ । आफ्नो पहिचान बोकेको देशसँग यति नै घृणा छ भने आफूलाई गोर्खालीसँग जोडेर गोर्खाल्याण्डको माग राख्ने आधिकार तपाईहरुलाई छैन । गोर्खाली भनेको हामी नेपालवासीको पहिचान हो ।

भोलि गएर अंग्रेज नेपाल वारमा युद्ध गर्ने वीर गोर्खाली हाम्रै गोर्खाल्याण्डका हुन् भन्नहोला रे । भोलि गएर भारतले कहिल्यै नझुक्ने कहिल्यै पछि नहट्ने वीर गोर्खाली भनेका हाम्रा गोर्खाल्याण्ड राज्यका नागरिक हुन् भन्ला रे । यदि तिमी आफूलाई नेपाली हैन भन्छौ भने तिमी गोर्खाली पनि हैनौ । तिमीहरुलाई हामी मन नपर्न सक्छौं, ठीक छ । यत्ति हो कि कृपया हाम्रो पहिचानमा हस्तक्षेप नगर ।’