गोप्यरुपमा व्यपारीसँग केकीले कसिन् लगनगाँठो

काठमाडौं । अभिनेत्री केकी अधिकारीले व्यापारी रोहित तिवारीसँग लगनगाँठो कसेकी छन् । गोप्य रुपमा विवाह गर्ने बताउँदै आएकी केकीले बुधबार गुपचुप विवाह गरेकी हुन् ।

सिमित पारिवारिक सदस्य तथा नजिकका केही साथीलाई मात्रै बोलाएर विवाह गरेकी हुन् । विवाहपछि यो जोडी काठमाडौंस्थित ‘यी ग्रान्डी अपार्टमेन्ट’ भित्रिएको बताइएको छ ।

लामो समयदेखि रोहितको प्रेम रहेकी केकीले आफ्नो प्रेम भने सार्वजनिक गरेकी थिइनन् । प्रेम र प्रेमीका बारेमा मिडियाले बारम्बार प्रश्न गर्दा केकी पन्छिँदै आएकी थिइन् ।