सत्ता गठबन्धनको बैठक निष्कर्षविहीन, साँझ पुन: बस्ने

काठमाडौं । स्थानीय तह निर्वाचनमा सिट बाँडफाँटको विषयमा छलफल गर्न बसेको सत्ता गठबन्धनको बैठक निष्कर्षविहीन भएको छ । आइतबारको बैठक पनि निष्कर्षविहीन भएको थियो ।

प्रधानमन्त्री निवासमा बालुवाटारमा गठबन्धनका शीर्ष नेताहरुसहित स्थानीय तह निर्वाचन तयारी, परिचालन तथा अनुगमन समितिको बैठक बसेको थियो । यो बैठकले पालिकाहरुमा भागबण्डा मिलाउने भनिएको थियो ।

प्रधानमन्त्रीको निवास बालुवाटारमा बसेको बैठक केही समयका लागि रोकिएको हो । गठबन्धनका शीर्ष नेता र गठबन्धनको निर्वाचन तयारी तथा अनुगमन समितिको संयूक्त बैठक चुनावी तालमेलका विषयमा छलफल भइरहेको माओवादी केन्द्रका नेता वर्षमान पुनले बताए ।

‘हामीले बिहानभरी चुनावी तालमेलका विषयमा छलफल गरियो । अहिले लन्च ब्रेक भएको छ’ पुनले भने, ‘अब आ–आफ्नो दलमा छलफल गर्छौ । त्यसपछि पुनः संयुक्त बैठक बसेर चुनावी तालमेल टुंगो लगाउँछौ ।’