स्याङ्जाको वालिङमा जीप दुर्घटना हुँदा बालकसहित ५ जनाको मृत्यु, ६ जना घाइते

स्याङ्जा । स्याङ्जाको वालिङ नगरपालिका १२ डाँडाखर्कस्थित आइतबार बिहान साढे १० बजे जीप दुर्घटना हुँदा एक जना बालकसहित ५ जनाको मृत्यु भएको छ । जीपमा सवार ११ मध्ये ६ जना घाइते भएका छन् ।

ग १ ज ६३९९ नम्बरको जीप दुर्घटना भएको स्याङ्जा वडा प्रहरी कार्यालय वालिङका डीएसपी झकेन्द्र खतिवडाले जानकारी दिए । जीप सडकमा २ सय मिटर तल खसेको प्रहरीले जनाएको छ ।

दुर्घटनामा घाइते भएका चालकसहित ६ जनालाई उपचारका लागि पोखराको गण्डकी मेडिकल कलेजमा पठाइएको जिल्ला प्रहरी कार्यालय स्याङ्जाका प्रवक्ता राजेन्द्रप्रसाद अधिकारीले जानकारी दिए । मृतक पाँच जनाको शव वालिङ प्राथमिकक स्वास्थ्य केन्द्रमा राखिएको छ ।