अमृताले ‘दाइ म मर्न चाहन्न, मलाई यहाँबाट निकाल्नुस्’ भनेको आधा घण्टामै ... !

बुटवल । रुपन्देहीको तिलोत्तमा नगरपालिका–२ स्थित जानकी नगर भेटनरी लाइनमा बस्ने अमृता खत्रीको माइतीघर गुल्मीको रुरुक्षेत्र गाउँपालका–५ बम्घा खैरेनीमा छ ।

उनले गुल्मीकै चालपालामा घर भएका प्रेम टण्डनसँग विवाह गरेकी थिइन् । प्रेम इन्जिनियर हुन् । अहिले उनीहरु तिलोत्तमामा घर बनाएर बस्न थालेका थिए । अमृताको घरबाट करिब ५ सय मिटरको दुरीमा माइती बस्छन् ।

नयाँ वर्षको अघिल्लो दिन साँझ ८ बजेतिर प्रेमले फोन गरेर घरमा बोलाएका थिए । अमृता र प्रेमको साढे ७ वर्षका छोरा छन् । अमृता र प्रेमबीच प्रायः झगडा भइरहन्थ्यो ।

झगडा हुने मिल्ने एक प्रकारको नियमितता जस्तै हुन्थ्यो। झगडा हुनासाथ नजिकै भएकाले अमृताका दाजु पुष्पकले थाहा पाउँथे र घर पुगिहाल्थे । यो क्रम भदौदेखि विस्तारै बढ्दै थियो । पुष्पकले बहिनी ज्वाइँको घर बनाउने बेला सहयोग समेत गरेका थिए । करिब पाँच दिनअघि अमृताले परिवारका सदस्यहरुले भारत जाने कुरा गरेको तर आफूलाई भारत जान नसक्ने भाउजू मुनालाई बताएकी थिइन् ।

नौ वर्षअघि प्रेम विवाह गरेकी अमृताले छोराको स्कुल फी समेत आफैँले तिर्थिन् । शारिरिक र मानसिक यातनाका असह्य भएपछि तिलोत्तमा वडा न. २ को वडा कार्यालयमा समेत निवेदन दिएकी थिइन्। निवेदन दिएर मिलापत्र भएपछि श्रीमान आफ्नो बेइज्जत गरेको भन्दै ससुराली पक्षसँग रुष्ट थिए ।

नौ वर्षअघि प्रेम विवाह गरेकी अमृताले छोराको स्कुल फी समेत आफैँले तिर्थिन् । शारिरिक र मानसिक यातनाका असह्य भएपछि तिलोत्तमा वडा न. २ को वडा कार्यालयमा समेत निवेदन दिएकी थिइन् । निवेदन दिएर मिलापत्र भएपछि श्रीमान आफ्नो बेइज्जत गरेको भन्दै ससुराली पक्षसँग रुष्ट थिए ।

अमृता र प्रेमको घर करिव ३ सय मिटर दुरीमा छ। ९ वर्षअघि १२ कक्षा पढ्दा पढ्दै अृमताले प्रेम विवाह गरेकी हुन् । टण्डन भएकाले सुरुमा नाता सम्बन्ध पर्छ की भनेर विवाह नगर्ने सुझाव समेत माइती पक्षले दिएका थिए । तर, पछि विवाह गर्न मिल्ने भएपछि विवाह भएको हो । प्रेम टण्डनको सपरिवार भारतमै रोजगारी गर्थ्यो । विवाहपछि अमृता पनि श्रीमान प्रेमसँगै पञ्‍जाब गइन्। करिब ४ वर्ष त्यहाँ बसेर नेपाल फर्किए ।

अमृताको माइती तिलोत्तमा २ जानकीनगर बरपिपल हो भने घर भेटनरी लाइन । विवाह भएको एक वर्षमै अमृताले छोरा जन्माइन् । छोरा अहिले ८ वर्षका छन् । सुरुका चार पाँच बर्षसम्म सम्बन्ध राम्रै थियो । पछि विस्तारै सामान्य खटपट हुन थाल्यो ।

भारतमा हुँदा अमृताले ब्युटीपार्लर सिकेकी थिइन् । नेपाल फर्केपछि त्यहाँको सर्टिफिकेट सासुले लुकाएर राखेर काम गर्न नदिएको गुनासो गरेकी थिइन् । ‘सामान्य विषयमा पनि वहिनीमाथी टर्चर हुन्थ्यो,’ भारत मुम्बई बस्‍ने जेठो दाजु विमल खत्रीले भने, ‘ज्वाईँसँग राम्रोसँग कुरा कहिल्यै हुन पाएन, सधै केही न केही समस्या हुन्थ्यो, अहिले यस्तो घटना भयो,’ विमलले भने । माइती पक्षका अनुसार अमाजू दीदीले समेत बेलाबेलामा तनाव दिन्थिन् ।

अमृताको त्यो एसएमएस
रुपन्देहीको तिलोत्तमा नगरपालिका–२ स्थित जानकी नगर भेटनरी लाइनमा बस्ने अमृता खत्रीको शव पोष्टमार्टम गर्न पीडित पक्ष सहमत भएका छन् । चैत ३० मा राती माइतबाट घर फर्केको करिब १ घण्टा ४५ मिनेटपछि उनको मृत्यु भएको थियो । माइती पक्षले उनको हत्या भएको दावी गरेका छन् ।

यद्यपि अमृता खत्री टण्डनले मृत्यु हुनुभन्दा अघि आफूलाई उद्धार गर्न दाजुसँग सहयोग मागेको खुलेको छ । दाजु पुष्पक खत्रीलाई राति साढे ९ बजे फेसबुक म्यासेञ्जरमा कुरा गरेकी उनले लेखेकी छन्, ‘दाइ म मर्न चाहन्न, मलाई यहाँ (घर) बाट निकाल्नुस् ।’

नौ वर्षअघि प्रेम विवाह गरेकी अमृतालाई श्रीमानसँगै सासु र ससुरा समेतले सुरुदेखि नै हेला गर्ने र यातना दिने गरेको मृतकका दाजु पुष्पक बताउँछन् । विवाह भएको एक बर्षपछि प्रेम र अमृताको एक छोरा जन्मेको थियो । अमृताले केही महिनादेखि तिलोत्तमा नयाँ मिलस्थित फर्निचर उद्योगमा लेखापालको काम गर्दै आएकी थिइन् ।

त्यस्तो म्यासेज लेखेको आधा घण्टामै विष सेवनबाट उनको मृत्यु भएको खबर आएको माइती पक्षले बताएको छ । त्यो साँझ अमृता राति साढे ८ बजेसम्म माइती घरमै थिइन् । तीन पटकसम्म श्रीमान प्रेम टण्डनले फोन गरेको र घर नआए छोरालाई जे पनि हुन सक्ने धम्की दिएपछि घर गएकी अमृताकी आमा सावित्राले पत्रकारहरुसँग बताइन् ।

माइतबाट घर गएको करिव ४० मिनेट पछि राती ९ः१४ मा अमृताले म्यासेजमा लेखेकी थिइन्, ‘माइतीले भन्छन् घर जा, घरकाले भन्छन् तेरो माइत जा, चेलीको जिन्दगी पनि कस्तो ? घर न घाटको अब त्यो चेली कहाँ जाने ?’

दाजु पुष्पकले उपलब्ध गराएको म्यासेजको स्क्रिन सटमा अमृताले लेखेकी छन्, ‘दाई म मर्न चाहन्न, म यहाँ बस्न नि सक्दिन, दाइ हजुरको बोझ नि हुन चाहन्न, प्लिज दाई मलाई यहाँबाट निकाल्न हेल्प गर्नु म निस्किन्छु ।’ त्यसपछि पुष्पकले भोलि भाञ्जा लिएर आइज, कुरा गरौंला भनेका थिए । त्यसपछि उनीहरुको कुराकानी भएन ।

मृतक अमृताका दाजु पुष्पक खत्री बहिनी अमृतालाई ज्वाइँ प्रेम टण्डन लगायतका परिवारजनले हेला गर्दै आएको दाबी गर्छन् । गत मङ्सिर महिनामा पनि अमृता वडा कार्यालयमा उजुरी लिएर गएको उनको भनाइ छ ।

‘९ः३० सम्म बहिनीले बचाउन मलाई म्यासेज गरिन्, तर १०ः१५ मा बहिनी लुम्बिनी प्रादेशिक अस्पतालमा भर्ना भएको भनेर खबर आयो,’ पुष्पक भावविह्वल हुँदै भन्छन्, ‘हामी पुग्दा बहिनीको मृत्यु भइसकेको थियो ।’