जन्ती बोकेको बस दुर्घटना हुँदा ३२ जना घाईते

दोलखा । दोलखामा आज विहान जन्ती बोकेको बस दुर्घटना हुँदा ३२ जना घाइते भएका छन् ।

स्थानीय जेद्दे मिजारको छोराको विवाहका लागि ४० भन्दा बढी जन्ती लिएर सिन्धुलीको खुर्कोट जान लागेको बा २ ख ३७६० नम्बरको बस दुर्घटना भएको जिल्ला प्रहरी कार्यालय दोलखाले जनाएको छ ।

बस सडकबाट ३० मिटर तल खसेको थियो । १६ जनालाई उपचारका लागि चरिकोट ल्याउने तयारी भइरहेको प्रहरीले जनाएको छ । प्रहरीका अनुसार अन्य घाइतेको पनि उद्धार भइरहेको छ ।