गाडी भित्रै १६ वर्षिय किशोरी बलात्कृत

रसुवा । १६ वर्षिय किशोरी बलात्कार गरेको आरोपमा ३ जनालाई प्रहरीले पक्राउ गरेको छ ।

पक्राउ पर्नेमा नुवाकोट जिल्लाको बेलकोटगढी नगरपालिका-६ का १९ वर्षिय दीपक खतिवडा, विदुर नगरपालिका-४ का संजीव कुमार गुप्ता र विदुरका २२ वर्षिय राज कुमार श्रेष्ठ रहेका छन् ।

उनीहरुलाई प्रहरीले आइतबार पक्राउ गरेको हो । रसुवाको सदरमुकाम धुन्चेबाट टिमुरे जाँदै गरेको बा ४ ख ४३२ नं.को गाडीमा लिफ्ट मागेर गएकी किशोरीलाई याङयाङ खोलामा पुगेपछि गाडीभित्रै बलत्कार गरिएको थियो ।

गाडी रोकेर गाडी पछाडि सामान राखिएको ठाउँमा लगेर बलात्कार गरेको प्रारम्भिक अनुसन्धानबाट खुलेको छ । उनीहरूलाई टिमुरेबाट पक्राउ गरेर ल्याइएको र थप अनुसन्धान भइरहेको प्रहरीले जनाएको छ ।