देशले राष्ट्रवादी नेता गुमायो : थापा

काठमाडौं । पूर्वप्रधानमन्त्री तथा राजनीतिज्ञ डा. तुलसी गिरीको निधनप्रति राष्ट्रिय प्रजातन्त्र पार्टीले शोक ब्यक्त गरेको छ ।

मंगलबार बिहान निधन भएपछि राप्रपाका अध्यक्ष कमल थापाले विज्ञप्ती जारी गर्दै डा. गिरीको निधनले आफु र आफ्नो पार्टी मर्माहित भएको उल्लेख गरेका छन् । थापाले आफ्नो विज्ञपतीमा एक असल राष्ट्रवादी नेता गुमाएको उल्लेख गरेका छन् ।

यस्तो छ विज्ञप्ती
नेपाली राजनीतिका शिखर व्यक्तित्व, पूर्व प्रधानमन्त्री डा. तुलसी गिरीको आज बिहान निधन भएको समाचारले स्तब्ध र मर्माहत भएको छु । निष्ठा, आदर्श र स्पष्ट वैचारिक मान्यता उहाँका जीवन दर्शन थिए, आफ्नो अनुकूलतामा विचार र दर्शन परिवर्तन गर्न उद्धत समकालीन नेपाली राजनीतिमा डा. गिरी बरु एक्लो हुनुभयो तर मान्यता परिवर्तन गर्नु भएन ।

उहाँको निधनबाट मैले मेरो प्रेरणाश्रोत र मार्गदर्शक गुमाएको छु, देशले निष्ठावान राष्ट्रवादी नेता गुमाएको छ, दिवंगत आत्माको चीर शान्तिको कामना गर्दै शोकसन्तप्त परिवारमा हार्दिक समवेदना प्रकट गर्दछु ।