सवारी साधन चेकजाँचका क्रममा लागू औषध भेटिएपछि..

महोत्तरी । बर्दिबासमा २ वटा सवारी साधनबाट ठूलो परिणामा लागू औषध बरामद गरेको छ ।

प्रहरीले सवारी चेकजाँचका क्रममा बा५ ख६८१९ नं।को राजविराजबाट काठमाडौं आउँदै गरेको हायस गाडीबाट डि लेक्स डिसि (सिरब) ६ सय एम एल को सय बोत्तल र नाइट्रोभेट ट्याब्लेट ६ सय पिस सोमबार बरामद गरेको छ ।

त्यसैगरी बा३ ख७४६८ नं.को कटारीबाट काठमाडौं जाँदै गरेको यात्रुवाहक बस बाट डि लेक्स डिसि १ सय एम एलको २९ बोत्तल र आधा लिटर को ३ वटा ड्युको बोत्तलमा लुकाई राखेको ६ सय एम एल को डिलेक्स डिसि (सिरब) लागूऔषध पक्राउ गरिएको प्रहरीले जनाएको छ ।

गाडीमा लागु औषध लैजाँदै गरेका सिराहको विष्णुपूर गाउँपालिका वडा नं.१ घर भएका २५ वर्षिय अमर कुमार शर्मा (ठाकुर) पक्राउ परेका छन् भने बसमा लागु औषध लुकाएर ल्याउने अभियुक्त फरार रहेको छन् । घटनाबारे थप अनुसन्धान भइरहेको छ ।