संसदीय पत्रकारमा काफ्ले निर्वाचित

काठमाडौं । संसदीय मामिला पत्रकार समाजको अध्यक्षमा नारायण काफ्ले निर्वाचित भएका छन् । आइतबार नयाँ बानेश्वरस्थित संघीय संसद भवनमा भएको अधिवेशनले उपाध्यक्षमा खुलातर्फ सञ्जीव बगाले निर्विरोध निर्वाचित भए भने महिलातर्फ कृष्णा पौडेल निर्वाचित भइन् ।

समाजको महासचिवमा अशोक दाहाल निर्विरोध निर्वाचित भए भने सचिवमा भने विष्णु खड्का निर्वाचित भए । कोषाध्यक्षमा दीर्घपाणी उपाध्याय (डिपी) निर्विरोध निर्वाचित भए ।

सो अधिवेसनले अक्कल कुँवर, बिपी साह, सिर्जना घिमिरे, खगेन्द्र भण्डारी, बासु खड्का, जयसिंह महरा र सोभिता रिसाल निर्वाचित गरेको छ । नवनिर्वाचित कार्यसमितिको कार्यकाल दुई वर्षको रहेको छ ।