प्राश्नाले पाइन् लिटल स्टार २०१८ को उपाधी

काठमाडौं । प्राश्ना थापा नेपाल्स लिटल स्टार २०१८ प्रतियोगिताको उपाधी हात पारेकी छन् । उनले योसँगै मस्ट बिउटिफुल तथा बेष्ट डान्सको समेत उपाधिसमेत हात पारिन् ।

सिद्दि मिडियाको आयोजनामा भएको सो प्रतियोगितामा आदर्श ठाकुर फर्स्ट रनरअप मस्ट पपुलर, मस्ट कन्फिडेण्ट, मल्टिमिडिया च्वाईस भए भने जुवान तामाङ सेकेण्ड रनरअप, मस्ट ह्यान्डसम, लुनिभा महर्जन थर्ड रनरअप मस्ट ट्यालेन्ट,बेष्ट प्रसनालिटिको उपाधि जित्न सफल भए ।

बालबालिकाहरुको व्यक्तित्व विकास गर्दै उनीहरुको प्रतिभालाई प्रस्फुटन गर्ने उदेश्यले नेपाल्स लिटल स्टार २०१८ आयोजना गरिएको सिद्दि मिडियाका प्रबन्ध निर्देशक अमित शाहले बताए ।

सो प्रतियोगितामा सहभागीलाई बाल मनोबैज्ञानिक पहिचान गरि आफ्नो क्षमता, दक्षता तथा बालबालिकाको इच्छा रुचिलाइ मध्यनजर गरेर सञ्चार दक्षता, एमसिइङ, पब्लिक स्पिकिङ, व्यक्तित्व विकासको कक्षा,आत्मविश्वास अभिवृद्धि गराउने कक्षा, मोटिभेसन क्लास तथा व्यक्तित्व विकास सम्बन्धि विषयमा प्रशिक्षण दिइएको थियो ।