चौधरी र वाग्ले कांग्रेसको महासमिति सदस्यमा मनोनित

काठमाडौं । नेपाली कांग्रेसका सभापति शेरबहादुर देउवाले सांसद विनोद चौधरी तथा राष्ट्रिय योजना आयोगका पूर्वउपाध्यक्ष रहेका स्वर्णिम वाग्लेलाई महासमिति सदस्यमा मनोनित गरेका छन् ।

महासमिति बैठकमा सहभागी हुन सभापतिले १० जना मनोनित गर्न पाउने कांग्रेसको विधानअनुसार चौधरी र वाग्लेलाई मनोनित गरिएको हो ।

त्यस्तै, देउवाले पर्साका अनिलकुमार रुंगटा, सर्लाहीका शम्भुलाल श्रेष्ठ र दीपक अधिकारीलाई पनि मंसिर २८ गते महासमिति सदस्यमा मनोनित गरेका छन् । यसअघि ५ जना महासमिति सदस्यमा मनोनित भइसकेका छन् ।