उदयपुरमा ट्याक्टर दुर्घटना, २ जनाको मृत्यु, ६ जना घाइते

उदयपुर । लिङपिङगुङ-४ बलाम्ताको मैसङ्खामा गए राति १० बजे ट्याक्टर दुर्घटना हुँदा २ जनाको घटनास्थलमै मृत्यु भएको छ भने ६ जना गम्भीर घाइते भएका छन् ।

ट्याक्टर चालक सोही स्थानका २२ वर्षिय सुनिल राई र २५ वर्षिय पवन राईको घटनानस्थलमैै मृत्यु भएको र स्थानीयवासी विश्व राई, पुनम राई, सविना राई, शोनी राई, बुनु राई र मनिषा राई गम्भीर घाइते भएका छन् ।

स ४३ प २३७३ नं।को ट्याक्टर बलाम्ताको माझखर्कबाट गाउँतर्फ झर्दै गर्दा बाटोमा हिँडिरहेका यात्रु पवन राईलाई जोगाउने क्रममा उनैलाईसमेत किचेर सडकबाट २५ मिटर तल खसेको प्रहरीको भनाई छ ।

अहिले मृतकहरुको शव गाईघाट जिल्ला अस्पतालमा ल्याइसकिएको छ । गम्भीर घाइतेको उपचार विराटनगरको नोबेल अस्पतालमा लागिएको छ ।