मोटरसाईकल दुर्घटनामा दुई जनाको मृत्यु

कालिकोट । खाँडाचक्र नगरपालिका-८ को पिलीमा मोटरसाईकल दुर्घटनामा दुई जनाको मृत्यु भएको छ ।

भे ५ च ८११८ नम्बरको मोटरसाईकल कर्णाली राजमार्गको पिली भीरबाट खस्दा मोटरसाईकलमा सवार दुई जनाको मृत्यु भएको हो ।

मृत्यु हुनेमा खाँडाचक्र नगरपालिका ९ का दिपक मल्ल र एक जनाको खनाखत हुन बाँकी रहेको पिली प्रहरी बिटका हवल्दार वीरेन्द्र मल्लले बताए । ‘एक जना मृतकको पहिचान भएको छ ।’ उनले भने,‘ एक जना मृतकको सनाखत हुन बाँकी रहेको छ ।’

मोटरसाईकल राजमार्गबाट करिब एक किलोमिटर तल भीरमा खसेको थियो । दुर्घटनाको कारणबारे अनुसन्धान भइरहेको प्रहरीले जनाएको छ ।