हात्तीको आक्रमणबाट मगरको मृत्यु

उदयपुर । जंगली हात्तीको आक्रमणबाट बुधवार साँझ एक जनाको मृत्यु भएको छ ।

बेलका नगरपालिका-३ का ५० वर्षीय बुद्धिमान मगरको हात्तीको आक्रमणमा मृत्यु भएको हो । खर काट्न गएका मगरलाई हात्तीले गौडा छेकी लछार पछार गरेर मारेको रामपुर ठोक्सिला इलाका प्रहरी कार्यालयका इन्चार्ज नवीन कुमार सिंहले जानकारी दिए ।

उनका अनुसार खर घारीमा हँसिया, चप्पल छोडेर भागेपनि तीन/चार वटा हात्तीको समूहले आक्रमण गर्दा मगरको घटना स्थलमै मृत्यु भएको थियो ।

दुई हप्तादेखि हात्तीले उदयपुरको त्रियुगा नगरपालिका, चौदण्डीगढी र बेलका नगरपालिकामा गरी दर्जन भन्दा बढी घर भत्काई अन्नपात नष्ट गरिदिएको छ ।