आज निर्मलाको १४ औं जन्मदिन, धर्ना बसिरहेको ठाउँमा होम र बत्ति बाल्ने !

कञ्चनपु । बलात्कारपछि हत्या गरिएकी कञ्चनपुरकी १३ वर्षीया बालिका निर्मला पन्तको आज २६ गते १४ औं जन्मदिन हो । कञ्चनपुर भीमदत्त नगरपालिका–२ उल्टाखामकी उनको हत्या भएको चार महिनाभन्दा बढी भइसक्दा पनि अपराधि भने पत्ता लागेको छैन ।

आज निर्मलाको जन्मदिनको अवसर पारेर होम गर्ने कार्यक्रम रहेको छ । अधिकारकर्मीहरुले निर्मलाका पिता यज्ञप्रसाद पन्तलगायत धर्ना बसिरहेको स्थानमा होम गर्ने कार्यक्रम रहेको बताइएको छ ।

आज मध्यान्हपछि जिल्ला प्रशासन कार्यालयको गेटमा निर्मलाको निम्ति न्यायको माग गर्दैै होम गरिने छ भने उनको नाममा बत्ति बाल्ने कार्यक्रम रहेको छ ।