‘निर्मलाको न्यायका लागि उठौं’ भन्दै माइतीघरमा प्रदर्शन

काठमाडौं । आइतबार काठमाडौंको माइतीघरमा कञ्चनपुरकी निर्मला पन्तको न्यायको माग गर्दै प्रदर्शन भएको छ ।

७० औं मानव अधिकार दिवसको सन्दर्भ पारेर स्ट्याण्ड अप फर जस्टिस नामक अभियानले प्रदर्शन गरेको हो ।

निर्मलाको तस्वीर अंकित ब्यानरमा न्यायका लागि उठौं लेखेर अभियानकर्मीहरुले प्रदर्शन गरेका हुन् । बलात्कारपछि हत्या गरिएकी निर्मला पन्तको न्यायका लागि हरेक दिनजसो काठमाडौंमा प्रदर्शन हुने गरेको छ ।