देशैभर चिसो बढ्दै, काठमाडौंमा अहिलेसम्मकै चिसो

काठमाडौं । उपत्यकासहित देशैभर चिसो बढ्दै गएको छ । काठमाडौंमा यो वर्षको अहिलेसम्मकै चिसो भएको छ ।

मौसम पूर्वानुमान महाशाखाका अनुसार आइतबार विहान काठमाडौं उपत्यकाको तापक्रम ४ दशमलव ४ डिग्री सेल्सियसमा झरेको छ । शनिबार मात्र काठमाडौंको तापक्रम ५ डिग्री सेल्सियस मापन गरिएको थियो ।

विभागका अनुसार आइतबार दिउँसो पहाडी भेगमा आंशिक बद्लीको सम्भावना रहेको छ भने पूर्वी र पहाडी भेगका १ २ ठाउँमा छिटफुट वर्षाको सम्भावना रहेको महाशाखाले जनाएको छ ।

४० वर्षअघि सन् १९७८ को जनवरी ११ मा काठमाडौंको न्युनतम तापक्रम अहिलेसम्मकै कम माइनस ३ दशमलव ५ डिग्रीसम्म पुगेको थियो ।