मोटरसाइकल दुर्घटनामा परि चालकको मृत्यु

भक्तपुर । गएराति मोटरसाइकल दुर्घटना हुँदा भक्तपुरको लोकन्थलीमा चालकको मृत्यु भएको छ ।

महानगरीय ट्राफिक प्रहरी महाशाखाकाअनुसार राति पौने १२ बजे बा९३प १४१९ नम्बरको मोटरसाइकल नियन्त्रण गुमाएर सडक किनारको रेलिङमा ठोक्किदा चालकको मृत्यु भएको हो ।

भक्तपुरको सुर्य्बिनायक बस्ने सिन्धुपाल्चोक जुगल गाउँपालिका–४ का २३ वर्षीय कुमार श्रेष्ठ मुत्यु भएको छ ।

उनको उपचारको क्रममा नागरिक अस्पताल गठ्ठाघरमा गएराति १२ः१५ बजे मृत्यु भएको हो । मोटरसाईकलमा पछाडि सवार सोही ठाउँका २५ वर्षीय राजकुमार श्रेष्ठको भने सोही अस्पतालमा उपचार भइरहेको जनाइएको छ ।