धनकुटाको मुगामा बाँसको हस्तकला सम्बन्धी तालिम शुरु

धनकुटा । धनकुटाको पाख्रिबास नगरपालिका वडा नं. ७ कामीगाउँमा बाँस हस्तकला सम्बन्धी तालिम शुरु भएको छ ।

घरेलु तथा साना उद्योग कार्यालय धनकुटाको आयोजनामा आजदेखि दलित समुदायमा उद्यम प्रवर्दन कार्यक्रम अन्तर्गत एक महिने बाँस हस्तकला सम्बन्धी तालिम शुरु भएको हो ।

सो तालिमको उद्घाटन कार्यक्रममा घरेलु तथा साना उद्योग कार्यालय धनकुटाका प्रमुख माधव बाँस्कोटा, पाख्रिवास नगरपालिका वडा नं. ७ का वडाध्यक्ष देवेन्द्र तामाङ, सामुदायीक रेडियो प्रशारक संघका केन्द्रिय उपाध्यक्ष गोपाल बराइली, तालिमका प्रशिक्षक ज्ञानकुमार राई लगायतले बाँससम्बन्धी एक महिने तालिमले दलित समुदायका मानिसहरु उद्यमी बन्न प्रेरित गर्ने बताए ।

दलित समुदायका १५ जनाको सहभागीता रहेको सो तालिमको उद्घाटन कार्यक्रममा पाख्रिबास वडा नं. ७ का वडा सदस्यहरु कमला विश्वकर्मा, चन्द्रबहादुर तामाङ, नेपाल पत्रकार महासंघ धनकुटाका सल्लाहकार रमेशचन्द्र अधिकारी, घरेलु तथा साना उद्योग कार्यालयका अर्जुनबहादुर कार्की, विकास कार्की लगायतको सहभागीता रहेको थियो ।