अग्रज पत्रकार राजेश्वर श्रेष्ठलाई गरियो अभिनन्दन

धनकुटा । लामो समयदेखि पत्रकारीता क्षेत्रमा क्रियाशील रहेका अग्रज पत्रकार राजेश्वरबहादुर श्रेष्ठलाई अभिनन्दन गरिएको छ ।

धनकुटाकै पहिलो सामुदायीक रेडियो धनकुटा एफएमको सत्रौं स्थापना दिवसको अवसरमा धनकुटामा पत्रकारीता क्षेत्रको विकासमा पु¥याएको योगदानको कदर गर्दै अग्रज पत्रकार श्रेष्ठलाई दोसल्ला ओढाएर अभिनन्दन गरिएको हो ।

पत्रकार श्रेष्ठ नेपाल पत्रकार महासंघ धनकुटा शाखाको पूर्व अध्यक्षसमेत हुन् भने धनकुटाबाट प्रकासन हुँदै आएको धनकुटा साप्ताहिकको सम्पादक तथा प्रकाशक समेत हुन् ।

त्यसैगरी सो अवसरमा रेडियो धनकुटा एफएमका घर धनी बद्री कोइरालालाई पनि रेडियो धनकुटाले सम्मान गरेको छ । सो अवसरमा जनभावना होमियोपेथिक हस्पिटलका सञ्चालक डा. खगेन्द्र कटुवाल, धनकुटा एफएमका कार्यरत कर्मचारी सञ्जिता लिम्बु, टिडब्लुआर नेपाल, लोगोस् मिडिया र एडी मिडियालाई पनि सम्मान गरिएको छ ।

सम्मानित सबैलाई कोशी प्रदेशसभा सदस्य इन्द्रमणी पराजुली, जिल्ला समन्वय समिति धनकुटा प्रमुख निरेन तामाङ, साँगुरीगढी गाउँपालिकाका अध्यक्ष जितेन्द्र रुम्दाली र रेडियो धनकुटा एफएम व्यवस्थापन समितिका अध्यक्ष गोपाल बराइलीले संयुक्त रुपमा सम्मान गरे ।