धनकुटा एफएमको १७ औं स्थापना दिवस सम्पन्न, विभिन्न व्यक्तिहरु सम्मानित

धनकुटा । धनकुटाकै पहिलो सामुदायीक रेडियो धनकुटा एफएमको १७ औं स्थापना दिवस सम्पन्न भएको छ ।
धनकुटाका सामुदायीक रेडियोहरु धमाधम बन्द भइरहेका बेला धनकुटाकै पहिलो सामुदायीक रेडियो धनकुटा एफएमले आफ्नो १७ औं स्थापना दिवस मनाएको हो । २०६४ साल चैत ५ गतेका दिन धनकुटामा पहिलोपटक एफएम शुरु भएको थियो ।
१७ औं स्थापना दिवसका अवसरमा आयोजित कार्यक्रममा कोशी प्रदेश सदस्य इन्द्रमणी पराजुलीले धनकुटा एफएमले धनकुटाको मात्रै नभएर समग्र कोशी प्रदेशको पहाडी जिल्लाहरुको नेतृत्व गर्नुपर्ने बताएका छन् । लोकतान्त्रिक आन्दोलनमा सञ्चारमाध्यममले खेलेको भुमिकाको प्रशंसा गर्दै प्रदेश सभा सदस्य पराजुलीले मुलुकको समृद्धिको लागि अझैं पनि सञ्चारमाध्यमले उस्तै भुमिका निर्वाह गर्नुपर्ने बताए ।
सो कार्यक्रममा जिल्ला समन्वय समिति धनकुटाका प्रमुख निरेन तामाङले तीन तहकै सरकारले स्थानीय रेडियोको संरक्षणमा लाग्न नसकेको बताए । उनले विगतका कमीकमजोरीलाई सच्याउँदै नयाँ सिराबाट पत्रकारीता क्षेत्रलाई अगाडी बढाउनुपर्ने बताए ।
सो कार्यक्रममा साँगुरीगढी गाउँपालिकाका अध्यक्ष जितेन्द्र रुम्दाली राईले सञ्चार षेत्रको विकासका लागि स्थानीय तहले पहल गर्नुपर्ने बताए । अध्यक्ष राईले प्रत्येक वर्ष साँगुरीगढी गाउँपालिकाले बजेट विनियोजन गर्दै आएको जानकारी दिए ।
रेडियो धनकुटा एफएम व्यवस्थापन समितिका अध्यक्ष गोपाल बराइलीको अध्यक्षतामा भएको सो कार्यक्रममा छथरजोरपाटी गाउँपालिकाका उपाध्यक्ष गीता खेवा गुरुङ, नेकपा एकीकृत समाजवादी धनकुटाका अध्यक्ष अर्जुन राई, सामुदायीक वन उपभोक्ता महासंघका अध्यक्ष नीलबहादुर थापा, दलित नागरिक समाजका अगुवा गोपाल विश्वकर्मा, नेपाल पत्रकार महासंघका अध्यक्ष विदुर खवास, महासंघकै पूर्व केन्द्रिय सदस्य सरीता बराइली, नेपाल पत्रकार महासंघका पुर्व अध्यक्ष राजेश्वरबहादुर श्रेष्ठ, नेपाल प्रेस युनियन धनकुटाका अध्यक्ष विनोद घिमिरे लगायतले धनकुटामा धमाधम सञ्चारमाध्यमहरु बन्द भइरहेकाले भएका सञ्चारमाध्यमको संरक्षण र बन्द भएकाहरुलाई पुनः सञ्चालनको पहल गर्नुपर्नेमा जोड दिए ।
सो कार्यक्रममा गायकहरु गौरवनारायण राई र भुवन डंगोलले गीत प्रस्तुत गरेका थिए ।
सो अवसरमा पत्रकारीता क्षेत्रमा योगदान पु¥याउने अग्रज पत्रकार राजेश्वर बहादुर श्रेष्ठलाई अभिनन्दन गरिएको छ । त्यसैगरी समाजसेवी बद्री कोइराला, डा. खगेन्द्र कटुवाल, धनकुटा एफएमका कार्यरत कर्मचारी सञ्जिता लिम्बु लगायत विज्ञापनदाताहरुलाई सम्मान गरिएको छ ।
प्रतिकृया दिनुहोस