धनकुटामा सातौं स्थानीय प्रतिनिधिसभा र शिक्षक सम्मान

धनकुटा । नेपाल शिक्षक संघ धनकुटा नगर समितिको सातौं स्थानीय प्रतिनिधिसभा एवं.शिक्षक सम्मान कार्यक्रम आज सम्पन्न भएको छ ।

नेपाल शिक्षक संघ धनकुटा नगर समितिका अध्यक्ष लक्ष्मीप्रसाद सापकोटाको सभापतित्व र नेपाली कांग्रेस धनकुटाका सभापति दिनेश राईको प्रखुम आतिथ्यताका सातौ स्थानीय प्रतिनिधिसभा उवम् सम्मान कार्यक्रम सम्पन्न भएको हो ।

सो कार्यक्रममा नेपाली कांग्रेस धनकुटा नगर सभापति अभिषेश कर्माचार्य, नेपाल शिक्षक महासंघ धनकुटाका सचिव घनेन्द्रकुमार सुब्बा, नेपाल शिक्षक संघ धनकुटाका उपाध्यक्ष शोभा दाहाल, संघकै सचिव भोलानाथ भट्टराई, शिक्षाकर्मी बचत तथा ऋण सहकारी संस्था धनकुटाका अध्यक्ष हरीप्रसाद दाहाल, गोकुण्डेश्वर बालमन्दिर माध्यमिक विद्यालयका प्रधानाध्यापक दामोदर मिश्र, सोही विद्यालयका सहायक प्रधानाध्यापक जीवन श्रेष्ठ, त्रिवेणी माध्यमिक विद्यालयका प्रधानाध्यापक दिपक पोख्रेल लगायत नेपाल शिक्षक संघ धनकुटा प्रतिनिधि, नगर समितिका प्रतिनिधि र धनकुटा नगरपालिकाभित्रका सामुदायीक विद्यालयमा कार्यरत शिक्षकहरुको सहभागीता रहेको थियो ।

सो कार्यक्रममा यसै वर्ष प्रथम श्रेणीमा बढुवा भएका सिंहदेवी प्राथमिक विद्यालयका प्रधानाध्यापक झमक कट्वाल, र भाषा माध्यमिक विद्यालयका शिक्षक केशव गुरागाईलाई सम्मान गरिएको छ ।

गोकुण्डेश्वर बालमन्दिर विद्यालयको हलमा भएको नेपाल शिक्षक संघ धनकुटा नगर समितिको सातौं स्थानीय प्रतिनिधिसभा एवं.शिक्षक सम्मान कार्यक्रमको सञ्चालन धनकुटा नगर समितिका सचिव विनोद सुवेदीले गरेका थिए ।