त्रिवि स्ववियु सचिवको धर्ना सकियो, ३५ बुँदे सहमतिपछि धर्ना स्थगित

काठमाडौं । विश्वविद्यालयको शैक्षिक सुधारको माग राख्दै आन्दोलनरत विद्यार्थी र प्रशारसनबीच सहमति भएको छ ।

३५ बुँदे माग राख्दै मंसिर २६ गतेदेखि निरन्तर विश्वविद्यालय सुधारको माग राखी धर्नारत केन्द्रीय क्याम्पस स्ववियु सचिव सिद्धान्त भट्ट लगायतका आन्दोलनरत विद्यार्थीहरु र पदाधिकारीबीच सहमति भएको हो । यससँगै १९ दिनदेखिको धर्ना स्थगित भएको छ ।

त्रिविका उपकूलपति प्रा. डा. केशरजंग बराल, शिक्षाध्यक्ष प्रा. डा. खड्क केसी, रजिष्ट्रार प्रा. डा. केदार प्रसाद रिजाल, अनेरास्ववियुका अध्यक्ष समिक बडाल र त्रिविका सभासद विराज अर्यालको रोहवरमा सहमति भएको हो ।

वार्तामा त्रिविका तर्फबाट वार्ता टोलीका संयोजक प्रिन्सिपल प्रा. डा. ध्यानेन्द्र बहादुर राई, विनोद जोशीलगायत थिए भने विद्यार्थीका तर्फबाट सिद्धान्त भट्टसहितका विद्यार्थी नेताहरु थिए । समग्र विश्वविद्यालयको सुधारको लागि आफूहरुको दबाब र जागरणको अभियान निरन्तर रहने विद्यार्थीहरुले बताएका छन् ।

यस्ता छन् सहमति: