रुस-युक्रेन युद्ध : युक्रेनमा रहेका नेपाली सुरक्षित, यथास्थानमा सुरक्षित रहन आग्रह

काठमाडौं । रुसले युक्रेनमाथि सैन्य आक्रमण सुरु गरेसँगै युक्रेनमा रहेका नेपालीलाई यथास्थानमा सुरक्षित रहन जर्मनीमा रहेको नेपाली दूतावासले आग्रह गरेको छ ।

दूतावासले एक सूचना जारी गर्दै युक्रेन र रुसबीच विकसित पछिल्लो घटनाक्रमलाई मध्यनजर गर्दै युक्रेनमा रहेका नेपालीहरूलाई तत्कालका लागि यथास्थानमा सुरक्षित रहन आग्रह गरेको हो ।

‘रुस र युक्रेनबीच तनाव बढिरहेको छ अहिलेसम्म युक्रेनमा रहेका नेपाली नेपालीहरू सुरक्षित छन् । युक्रेनमा एक हजार २ सय देखि १ एक हजार ५ सयसम्म नेपाली छन् ।

युक्रेनको नागरिक हवाई क्षेत्र व्यावसायिक उडानका लागि अल्पकालीन रूपमा बन्द भएकाले हवाई मार्गबाट तत्काल युक्रेन छोड्न सम्भव नभएकोले तत्काल यथास्थानमा सुरक्षित रहन अनुरोध गरेको छ ।

दूतावासले संयमता अपनाइ हाल बसोबास गरिरहेको स्थानमा घरभित्रै सुरक्षित रहन, युक्रेन सरकार र सम्बन्धित कलेज, युनिभर्सिटी, कम्पनीद्धारा जारी निर्देशनको पूर्ण पालना गर्न, सम्भव भएसम्म सडक रेलमार्गबाट युक्रेनकै पश्चिमतर्फका बडी सुरक्षित स्थानमा जान भनेको छ ।

राहदानी परिचय पत्र, सवारी चालक अनुमति पत्र, बैंकको कार्ड लगायतका कागजात आफ्नो साथमा राख्न पनि दूतावासले अनुरोध गरेको छ । यता, रुसको मस्कोस्थित नेपाली दूतावासका कार्यवाहक राजदूत सुशील घिमिरेका अनुसार अहिलेसम्म त्यहाँ रहेका सबै नेपालीहरू सुरक्षित रहेको जानकारी दिए ।