पाख्रिबासमा एकीकृत समाजवादीको संगठन अभियान तीव्र, वडा नं. १ कमिटी गठन

धनकुटा । नेपाल कम्युनिष्ट पार्टी (एकीकृत समाजवादी) पाख्रिबास नगर कमिटी धनकुटाले पालिकामा संगठन बिस्तार अभियान तीव्र बनाएको छ । सोही क्रममा आज वडा नं. १ मा वडा कमिटी गठन गरेको छ ।

एकीकृत समाजवादी पार्टीले धनकुटाले सोमबारदेखि पाख्रिबासमा संगठन अभियान सुरु गरेको थियो । सोही क्रममा पाख्रिबास नगरपालिका वडा नं. १ मा भएको वडा स्तरीयले भेलाले भोलानाथ अधिकारीको अध्यक्षतामा ३१ सदस्य वडा कमिटी गठन गरेको छ ।

पाख्रिबास नगर कमिटी अध्यक्ष सोवित निरौलाको अध्यक्षतामा भएको वडा स्तरीयले भेलामा नेकपा एकीकृत समाजवादीका केन्द्रिय सदस्य तथा धनकुटा इन्चार्ज धर्मराज पौडेल, नेकपा एकीकृत समाजवादी धनकुटाका सचिव खगेन्द्र सुवेदी, उपसचिव गोपाल बराइली, पाख्रिबास नगर कमिटी इन्चार्ज छत्र पाण्डे, नगर कमिटी समित भक्त सिंजाली लगायतले पाख्रीबास नगरपालिकामा भएका भ्रष्टचारलाई उदांगो पार्न जरुरी रहेको बताए ।