पाँचथरको यासोक बजारमा भीषण आगलागी, नियन्त्रणको प्रयास जारी

पाँचथर । पूर्वी नेपालको झापामा करोडौको नोक्सानी हुनेगरी आगलागी नियन्त्रणमा आएको पाँच घण्टा नपुग्दै पुर्वी नेपालकै पाँचथरको कुम्मायक गाउँपालिका केन्द्र यासोक बजारमा आगलागी भएको छ ।

साँझ पौने ८ बजे स्थानीय झरेन्द्र खतिवडाको घरबाट आगलागी सुरु भएको हो । आगलागी नियन्त्रणका लागि स्थानीयले प्रयास गरिरहेका छन् । आगोको ज्वालाले ठूलो स्थान ओगटेका कारण थप क्षति हुन सक्ने खतरा रहेको स्थानीयले जनाएका छन् ।

जिल्ला प्रहरी कार्यालय पाँचथरका प्रमुख राकेश थापाले भने 'आगो नियन्त्रणका लागि स्थानीय प्रयासरत छन् भने सदरमुकाम फिदिमबाट दुईवटा दमकलसहित प्रहरी, सेना र सशस्त्र प्रहरी त्यसतर्फ प्रस्थान गरेको छ ।'