इन्स्टामा ४०० मिलियन फलोअर्स हुने पहिलो व्यक्ति बने रोनाल्डो  

काठमाडौं । पोर्चुगिज फुटबल स्टार क्रिस्टियानो रोनाल्डो इन्स्टाग्राममा ४०० मिलियन फलोअर्स हुने पहिलो व्यक्ति बनेका छन् । उनले आफ्नो ३७औं जन्मदिन मनाएको भोलिपल्ट नै यो अर्को उपलब्धि पाएका हुन् ।

रोनाल्डोले इन्स्टाग्राममा ३२४२ पोष्ट गरेका छन् । उनले गरेका पोष्टमा पोष्टमा औसत १० मिलियन लाइक हुने गर्छ । उनले जम्मा ५०१ जनालाई मात्र फलो गरेका छन् ।इन्स्टाग्राममा सर्वाधिक फलोअर्स हुनेको दोस्रो नम्बरमा कायली जेनर छन् ।

उनको ३०८ मिलियन फलोअर्स छ । यस्तै अर्का फुटबल स्टार लिओनल मेस्सी ३०६ मिलियन फलोअर्ससहित तेस्रो स्थानमा छन् । रोनाल्डो म्यानचेष्टर युनाइटेडबाट व्यवसायिक फुटबल खेल्छन् ।