काठमाडौँ उपत्यकामा पनि बढ्यो संक्रमणको जोखिम, एकैदिन थपिए ६१५ जना संक्रमित  

काठमाडौँ । काठमाडौँ उपत्यकामा आज थप ६१५ जनामा संक्रमण देखिएको मन्त्रालयले जनाएको छ। 

तीमध्ये मन्त्रालयका अनुसार काठमाडौँमा ४९१, ललितपुरमा ९९ र भक्तपुरमा २५ जना संक्रमित थपिएका हुन्। 

त्यस्तै आइतबार थप २२४ जना संक्रमित कोरोनामुक्त भएका छन् भने थप २ जना संक्रमितको मृत्यु भएको छ।

नेपालमा सक्रिय संक्रमितको संख्या ६ हजार ७५५ रहेको मन्त्रालयले जनाएको छ।नेपालमा एकैदिन एक हजारभन्दा धेरैमा कोरोना संक्रमण देखिएको छ।

स्वास्थ्य तथा जनसंख्या मन्त्रालयका अनुसार आइतबार थप ११६७ जनामा कोरोना संक्रमण देखिएको हो।