आज हिमाली क्षेत्रमा बाक्लो हुस्सुसँगै हिमपात हुने

काठमाडौँ । हाल देशमा पश्चिमी वायुको प्रभाव सामान्य परेको छ ।

प्रदेश नं १ र बागमती प्रदेशका पहाडी तथा हिमाली भूभागहरूमा आंशिकदेखि सामान्य बदली र अन्य प्रदेशका उच्च पहाडी तथा हिमाली भू-भागहरुमा आंशिक बदली रहेको मौसम पूर्वानुमान महाशाखाले जनाएको छ ।

साथै पश्चिमी तथा मध्य तराईका जिल्लाहरूमा बाक्लो हुस्सु/कुहिरो लागेको छ । प्रदेश नं १, बाग्मती प्रदेश र गण्डकी प्रदेशका उच्च पहाडी तथा हिमाली भू-भागका एक-दुई स्थानहरूमा हल्का हिमपात भएको छ।

भोलि र पर्सि पनि देशभर आंशिक बदली रहने अनुमान गरिएको छ । महाशाखाले चिसोबाट बच्न आवश्यक सतर्कता अपनाउन पनि अनुरोध गरेको छ ।