भाडाको घरमा पार्टी कार्यालय स्थापना गर्दा रामकुमारी झाँक्रीले खसाइन् आसु (फोटो फिचर)

गुल्मी । गुल्मीमा नेकपा एमाले र एमालेबाटै विभाजित भएर बनेको नेकपा (एकीकृत समाजवादी) को पार्टी कार्यालय नजिक नजिकै छ । पक्की घरमा छ एमालेको कार्यालय । आज त्यही एमालेको पक्की घरमा रहेको पार्टी कार्यालय हेर्दै एकीकृत समाजवादीकी सचिव रामकुमारी झाँक्रीले बरबर आसु झारिन् ।

शहरी विकास मन्त्रीसमेत रहेकी झाँक्रीले आफूले दुःखले निर्माण गरेको घरमा बस्ने वातावरण नभएको बताउँदै गर्दा आँखाभरी आसु पारिन् । बोल्दै गर्दा उनका आँखाबाट आसु खस्यो । एमाले पार्टी कार्यालयको पक्की घरलाई सम्झिदै उनले भनिन्, ‘थुप्रै घरहरु निर्माण गरियो, घर भनेको बस्न लायक हुनुपर्छ सबैको मान्यता हो ।’

‘लाखौं जनताको सारथी मात्रै होइन बदल्ने महत्वपूर्ण अभियानता पनि बनायौं । तर त्यहि घर पार्टीबाट अलग भयौं यात्रा कठिन छ’, उनले भनिन् ‘कठिन यात्रा पनि सम्भव छ ।’

झाँक्रीले गुल्मीको नेकपा एमालेको पार्टी कार्यालय नजिकै भाडाको घरमा पार्टी कार्यालय स्थापना गर्दै मन्त्री झाँक्रीले जिन्दगीका अनगिन्ती राजनीतिक अफ्ठयारा सम्झेर गहभरी आँशु झार्दै भनिन्, ‘धेरै मान्छेले हामीलाई सोधेका छन् पार्टी कसरी निर्माण गर्छौ रु राजनीतिक यात्रा कसरी अगाडी बढछ रु तर आगामी निर्वाचनसम्म गठबन्धन कायम रहन्छ ।’

विगतमा धेरै संघर्षका बाबजुद पक्की घर बनाउन सफल भएको बताइन् । उनले मेहनतले बनाएको त्यही घरबाट अलग भएको भन्दै कठिन यात्रा तय गरेको बताइन् । झाँक्रीले भनिन्, ‘धेरै मेहनत गरेका थियौं त्यो घर बनाउन । तर त्यही घर पार्टीबाट अलग भयौं, यात्रा कठिन छ, कठिन भए पनि यात्रा सम्भव छ ।’

उनले भनिन, ‘थुप्रै घर निर्माण गरियो, घर भनेको बस्न लायक हुनुपर्छ सबैको मान्यता हो तर जिन्दगीका महत्वपूर्ण समय त्यही घर पार्टीमा योगदान गर्‍यौं, लाखौं जनताको सारथी मात्रै होइन बदल्ने महत्वपूर्ण अभियन्ता पनि बन्यौं ।’

उनले वर्तमान गठबन्धन भत्काउन नेकपा एमाले सक्रिय रहेको भन्दै कुनै पनि हालतमा गठबन्धन नटुट्ने बताइन् । झाँक्रीले एमालेको चरित्रकै कारण आवश्यकताका आधारमा गठबन्धन बनेको बताइन् ।

जनताको समस्या समाधान गर्ने एकमात्र थलोको रुपमा रहेको व्यवस्थापिका संसद्‍लाई नेकपा एमालेले बन्धक बनाउन नहुने पनि उनको भनाइ थियो । उनले नेकपा एमालेका अध्यक्ष केपी शर्मा ओलीलाई सुझाव दिँदै नागरिकलाई दुःख दिने प्रवृत्तिको अन्त्य गर्न पनि आग्रह गरेकी छन् ।