मंसिर २० सम्ममा कक्षा १२ को परीक्षाको नतिजा सार्वजनिक हुने

काठमाडौँ । राष्ट्रिय परीक्षा बोर्डले कक्षा १२ को परीक्षाको नतिजा मंसिर २० गतेभित्र सार्वजनिक गर्ने तयारी गरेको छ ।

अहिले उत्तरपुस्तिका परीक्षणबाट प्राप्त नतिजालाई सम्परीक्षण तथा तालिकीकरणको काम भइरहेको बोर्डका परीक्षा नियन्त्रक कृष्ण शर्माले जानकारी दिए।

‘अन्य कुनै प्राविधिक समस्या नआए यही मंसिर २० गतेभित्रै नतिजा सार्वजनिक गर्ने हाम्रो तयारी छ,’ शर्माले भने ।

यस वर्ष कक्षा १२ को परीक्षा गत भदौ ३० गतेदेखि असोज ८ गतेसम्म सञ्चालन गरिएको थियो। परीक्षामा पौने चार लाख विद्यार्थी सहभागी भएका थिए।