सिंहदरबारमा ओली र अमेरिकी सहायक विदेशमन्त्री लुबीच भेटवार्ता

काठमाडौं । प्रमुख प्रतिपक्षी दल नेकपा (एमाले) का अध्यक्ष केपी शर्मा ओली र अमेरिकी सहायक विदेशमन्त्री डोनाल्ड लुबीच भेटवार्ता भएको छ । पूर्वप्रधानमन्त्रीसमेत रहेका अध्यक्ष ओलीलाई भेट्न नेपाल भ्रमणमा रहेका अमेरिकी सहायक विदेशमन्त्री लु सिंहदरबार पुगेका हुन् । 

एमाले संसदीय दलको कार्यालयमा भएको भेटमा उनीहरूबीच दुई देशबीचको सम्बन्ध, आपसी हितलगायतका विषयमा कुराकानी भएको ओलीको निजी सचिवालयले जनाएको छ ।

यसअघि लुले बिहीबार साँझ बालुवाटारमा प्रधानमन्त्री तथा कांग्रेस सभापित शेरबहादुर देउवासँग भेटवार्ता गरेका थिए । बुधबार साँझ नेपाल आएका लुले प्रमुख राजनीतिक दलका शीर्ष नेताहरूलाई भेट्ने कार्यक्रम रहेको छ ।