विप्लव समूहनिकट अखिल क्रान्तिकारीको मूल्यवृद्धि विरुद्ध प्रदर्शन

काठमाडौँ। नेत्रविक्रम चन्द विप्लव नेतृत्वको नेपाल कम्युनिष्ट पार्टी (नेकपा) ले इन्धन र खाद्यान्नमा भएको मूल्यवृद्धिविरुद्धमा प्रदर्शन गरेको छ ।

नेकपाले आइतबार बिहान १० देखि ११ बजेसम्म एक घण्टाका लागि चक्काजामको आह्वान गरेको थियो ।

सो कार्यक्रम सफल बनाउन नेकपानिकट अखिल क्रान्तिकारीले त्रिचन्द्र कलेज अगाडि विरोध प्रदर्शन गरेको हो। सो क्रममा सुरक्षाकर्मीले उनीहरूलाई रोक्ने प्रयाससमेत गरेको थियो।