नवनियुक्त ३ प्रदेश प्रमुखले लिए राष्ट्रपति भण्डारीबाट सपथ

काठमाडौँ । नवनियुक्त ३ प्रदेशका प्रमुखहरूले सपथ लिएका छन् । बिहीबार राष्ट्रपति भवन शीतल निवासमा राष्ट्रपति भण्डारीले प्रदेश १, कर्णाली र सुदूरपश्चिम प्रदेशका प्रमुखलाई पद तथा गोपनीयताको सपथ गराएकी हुन् ।

राष्ट्रपति भण्डारीले संविधानको धारा १६७ बमोजिम नवनियुक्त ३ प्रदेशका प्रमुखहरूलाई पद तथा गोपनीयताको सपथ गराएकी हुन् ।

सरकारको सिफारिसमा मंगलबार प्रदेश १ मा पर्शुराम खापुङ, कर्णालीमा तिलक परियार र सुदूरपश्चिममा देवराज जोशी प्रदेश प्रमुख नियुक्त भएका थिए ।