पूर्व–पश्चिम राजमार्गअन्तर्गत दाउन्नेमा २४ घण्टादेखि जाम

काठमाडौँ । पूर्व–पश्चिम राजमार्गअन्तर्गत दाउन्नेमा २४ घण्टादेखि यातायात अवरुद्ध भएको छ । बुधबार बिहान १० बजेदेखि सुरु भएको जाम बिहीबार बिहानसम्म पनि खुलेको छैन ।

दाउन्नेका होटल व्यवसायी बुद्ध गुरुङका अनुसार राजमार्गमा खाल्डैखाल्डा भएको र ठाउँठाउँमा गाडी बिग्रिएकाले यातायात अवरुद्ध भएको हो ।

इलाका प्रहरी कार्यालय दुम्कीवासका प्रहरी निरीक्षक हिक्मतबहादुर थापाले दुम्किवास बर्दघाट खण्डको बर्दघाटतर्फ मालवाहक ट्रक बिग्रिएकाले यातायात अवरुद्ध भएको जानकारी दिए ।

‘सडकभरि खाल्डैखाल्डा छ । मालवाहक गाडी बिग्रिरहन्छन् । यो सधैंको समस्या हो,’ उनले भने ‘एकतर्फी खुलाउने प्रयास गरिएको छ ।’