मकवानपुरमा १२२ केजी गाँजासहित एक जना पक्राउ

मकवानपुर  । मकवानपुरको मनहरि गाउँपालिका–९ जयसिंह सडक खण्डबाट प्रहरीले १२२ केजी गाँजासहित एक जनालाई पक्राउ गरेको छ ।

आज बिहान शङ्कास्पद रुपमा गाँजा लिएर निकासी गर्न लागेको अवस्थामा मकवानपुर राक्सिराङ गाउँपालिका - २ का ४२ वर्षीय नरबहादुर मुक्तानलाई १२२ केजी गाँजासहित पक्राउ गरिएको हो ।

मुक्तानलाई सोधपुछ गर्दा शङ्कास्पद सामानको सुरक्षा गरिरहेको बुझिएपछि नियन्त्रणमा लिइ सामान जाँच गर्दा १२२ किलो गाँजा फेला परेको मकवानपुरका प्रहरी प्रवक्ता प्रहरी नायब उपरीक्षक जयश्वर रिमाल जानकारी दिए ।

पक्राउ परेका मुक्तानलाई गाँजासहित नियन्त्रणमा लिइ थप अनुसन्धान प्रक्रिया अगाडि बढाइएको प्रवक्ता रिमालले बताए ।