सङ्घीय निजामति सेवा विधेयक फिर्ता लिने प्रस्ताव प्रतिनिधिसभाबाट पारित

काठमाडौँ । प्रतिनिधि सभाको आजको बैठकले सङ्घीय निजामति सेवा विधेयक, २०७५ फिर्ता लिने प्रस्ताव स्वीकृत भएको छ ।

प्रमुख प्रतिपक्षी दल नेक पा (एमाले) को अवरोधकै बीच विधेयक फिर्ता लिने प्रस्ताव स्वीकृत गरेको हो ।

बैठकमा प्रधानमन्त्री एवं सङ्घीय मामिला तथा सामान्य प्रशासनमन्त्री शेरबहादुर देउवाको तर्फबाट कानुन, न्याय तथा संसदीय मामिलामन्त्री ज्ञानेन्द्रबहादुर कार्कीले ‘सङ्घीय निजामति सेवा विधेयक, २०७५’ फिर्ता लिने प्रस्ताव प्रस्तुत गरेका थिए  ।